活一鮮 (已結業)

忽然間想食下日本壽司飯，今日就嚟咗呢間北角嘅活一鮮餐廳。八點幾嚟到仍然係座無虛席，叫咗三文魚三文魚子飯，同帶子三文魚刺身飯。老實講，三文魚子食落去味道似魚肝油，之前我都未試過。唔知有冇高人可以指教下，咁樣係好好食定係有問題呢？我都唔係好肯定，只能夠講話我之前係未食過魚肝油味嘅三文魚子嘅。不過三文魚就分量足夠，有好多件，切得到厚身。最後要讚一讚嘅係侍應姐姐非常殷勤，成日過嚟幫我地執枱，笑容又好，要俾個讚佢。