客家好棧 (已結業)

同屋企人一行六日,訂左星期五晚食飯,可能因為要做兩轉客,只可以訂六點或者八點半,我地揀左後者。等齊人已經九點幾,但係仍然好多人,好多客,全部滿晒,d侍應忙到走黎走去,唔得閒理我地,連我地想落單,都要等左幾個字先搵到一個理我地既人,都咪話唔激氣!先叫左個四人餐,有南瓜海鮮羹,沙薑雞半只,紅魚一條,加三個自選小菜,我地要醬爆牛仔肉,帶子蝦仁燴蛋白,同埋什菌炒菜苗,然後散叫多個魚丁賽磅蟹,加多3隻$10既所謂大閘蟹仔。南瓜海鮮羹:非常一般貨色,味道ok,有南瓜味,多紅蘿蔔粒,菜粒等,但唔算吸引;沙薑雞:多肉唔肥,個汁最好味,用個煲仔裝,幾得意,話係半隻,但係份量好多,算係唔錯;紅魚一條:條魚唔細喎,魚又滑,真係估唔到,好味架;醬爆牛仔肉:呢味係所有送裡面最好味,最惹味,最滋味既一道!個汁夠味,肉夠淋,少肥膏,唔油,又熱又香,值得一試!帶子蝦仁燴蛋白:個蛋白滑到呢,好似食緊燉奶但係又唔甜果種感覺,面頭舖個有蝦有帶子既獻汁,個賣相好似海棠豆腐,撈飯食一流;什菌炒菜苗:多什菌,但款式少,多數係秀珍菇同冬菇,菜苗只係菜仔,所以好普通,比較清淡;魚丁賽磅蟹:非常好味呀!用個脆脆兜載住蛋白,連個兜都可以