牛扒先生 (新都會廣場) (已結業)

星期日約咗個朋友食午餐，揀呢道貪佢好坐，不過食物就冇乜選擇，例牌食半自助午餐。中午12點，不用等位，侍應比咗大大個卡位我哋坐。随即出動到自助沙律吧取湯及冷盤菜。今天是南瓜湯，佢哋個湯係ok足料好飲，如果係磨菇湯更佳，不過麵包就比較差勁，好似隔夜包咁，牛油又改咗一大碗硬過石頭咁放响枱，疫情期間反而不用獨立牛油，所以無人問津。沙律冷盤都係嗰幾款，耐不耐食一次尚算可以的。主菜我點了澳洲肉眼扒$208再加一，五成熟，生熟程度都算適宜，不過塊扒比以前細咗薄咗，肉味較淡，肉質較實，靠點醬汁。朋友點咗烤小牛扒。海中婽。豬肉腸。香草烤雞$198再加一，外觀唔太吸引。甜品一般般，最愛都係和菓子，樣樣食少少都ok嘅，係有一、兩款太甜，不過各人口味，可接受的。人均消費都要二百元左右，座位舒適，侍應有禮；整個餐有齊湯、頭盤、主食，甜品及餐飲都應滿足。係主菜比較弱啲，不過耐不耐食一次，滿足吓貪食心態都算唔錯選擇。