茶木‧台式休閒餐廳 (已結業)

上星期係尖沙咀諗住搵下未食過的餐廳, 最後見到食台式食品的茶木, 外邊裝修幾靚, 就入去試下.先睇下個晚餐套餐, 主菜都幾多選擇, 有好幾款也想食, 最後選了秘製芝麻雞跟白飯, 配黑糖姜母茶跟朱古力慕士蛋糕. 若你唔想食蛋糕, 可以選擇配沙律.朋友就點了煙三文魚沙律配玫瑰花洋甘菊花茶.首先上咗飲品. 黑糖姜母茶一般, 無咩特別, 也有點味道, 唔會淡如水.朋友的花茶不錯, 即使添了兩三次水, 仍然有少許味道.煙三文魚沙律, 朋友話一般, 下次可以試下其他.不過上菜的時間太長, 我的芝麻雞等咗成二十五分鐘仍然未到, 我要再同職員再講先黎, 或許是漏了單, 所以服務仍需改善.芝麻雞終於來啦, 上枱時都幾香.我初時以為用上一件件雞肉, 原來佢全是用雞翼的位置, 肉唔夠, 味道是不錯, 若用上雞肉我會更愛.最後上是蛋糕. 賣相很靚. 外邊是朱古力, 內裡是朱古力慕士, 幾香滑, 但朱古力味再濃一點更好.