正宗山西刀削麵店 (已結業)

住咗係荃灣咁多年都未食過呢間成日有人排隊嘅刀削麵終於忍唔住試下，因為我好鐘意食大腸嘅關係，今次試咗個麻辣大腸刀削麵，試試佢龍與鳳！佢嘅麻辣大腸同刀削麵係分開放嘅，所以想要幾辣，都可以自己加適當份量嘅麻辣落碗麵度調配。先講講個刀削麵，唔會太粉，但真係太大碗，女仔真係會食唔哂，所以建議返如果大家食得唔多嘅話，就嗌返少麵喇。（我下次都會）至於個麻辣大腸真係好味到形容唔到！！份量都係好多，但係我一舊都冇淨，食哂！配埋佢啲麻辣，食到個咀麻麻地，好爽！雖然有啲辣，但係都冇蓋過大腸嘅味道，所以真係好值得一試！