SHAKE SHACK (國際金融中心商場)

营业中

休息中

呢期火熱到不得了的shake shack正式開業係IFC，星期日放假於是同男友黎朝聖，下午五點到，落單連埋等食物，大約40分鐘。座位有indoor同outdoor，好多位置不怕無位坐，亦見到好多人外賣然後坐係公園一邊望海一邊食burger(嘆！)餐牌選擇唔算多我地兩人點了Burger係shack stack有齊所有配料，一次過滿足幾個願望牛肉係手打，已經醃製好，好有牛味同幾juicy要讚一讚炸左既大蘑菇入面釀滿車打芝士，有拉絲效果！影相呃like一流生菜同蕃茄都好新鮮！漢堡個包好鬆軟，基本上每啖咬落去8成係配料，2成係包個人幾喜歡呢個比例芝士薯條不過不失，薯條可以脆身d，以$36一份，份量有點少。另外叫咗兩個奶昔，shack attack同hk style，奶昔雪得好夠凍！食落似雪糕而且配料十足，男友同我都比較喜歡shack attack，因為朱古力味夠香濃！Hk style有點過甜，建議兩個人share一個。呢餐總共$290，有點貴，加上要等咁耐，都係等人潮過咗再來吃，下次來會試吓熱狗。