我地一行兩人，點左兩個餐、沙律及小食 (迎新會員送的)。
半之助沙律 $48，見好耐冇食過海葡萄就點左，賣相好開胃，蔬菜十分新鮮，價錢合理！👍
月見雞肉漢堡及天婦羅御膳 $128，揀左海老迷你天婦羅。雞肉漢堡嫩滑有肉汁，而天婦羅亦炸得外脆內嫩，食材新鮮。值得一讚係天婦羅炸得脆而唔油膩，而入面亦保留蝦及蔬菜水份，增加食慾！
半生熟烤牛肉及天婦羅御膳 $158，揀左海老迷你天婦羅及鮮果飲品放題，半生熟牛肉不錯，但本身較喜歡熟食牛肉肉味會較濃，而鮮果飲品放題揀左芒果汁，可以多次添飲，抵！😌
新登記App 會員仲有迎新優惠 - 免費帆立貝天婦羅，帆立貝夠嫩滑，不錯，可惜只得一口，不夠喉！😅
16
9
19
