宮崎肉本舖 (已結業)

今日放工之後同朋友黎到位於銅鑼灣既哩間日本宮崎和牛燒肉店。店舖環境寬敞，有大量卡位及特色座位。而最特別既係店舖提供既楼花牛全部來自日本宮崎縣🇯🇵燒肉放題有$698、$898及$998三種價錢可以選擇，今次我同朋友就揀左$998哩款～✨120分鐘燒肉放題 $998哩個放題套餐提供十款宮崎縣既極品A5楼花牛，店員會送上一盤和牛拼盤，但客人可以每樣都試下，最後睇下自己鍾意邊樣再加點～拼盤入面有西冷、和尚頭、前腿肉、壽喜燒、肩里肌、肩口肉、牛肋肉、五花腩、內後腿肉及外後腿肉，每一款既脂肪分布都唔一樣，當中最推介肩里肌，牛味香濃，脂肪分布平均，肉質軟嫩，非常好食👍🏻而西冷同壽喜燒就會由店員幫手燒，兩款都油脂滿溢～除左宮崎和牛，放題套餐仲會提供大約60款日本食材，包括多種唔同既沙律、小食、燒海鮮、豚肉、雞肉、烏冬及甜品，全部都好有質素，而我非常推介廣島蠔和牛豆乳湯烏冬、番薯天婦羅、自家制3.6特濃牛乳奶凍及抹茶雪糕，最後成功食到捧住個肚走🤣真係非常滿足～