充滿大自然氣息既環境下可以嘆住新加坡美食，就好似係國外度假咁，真的太美好啦！
菜式方面，除咗有被譽為海南雞始祖之外，仲有一系列新加坡地道菜，另增設有香港限定甜品供應㖭。
文華海南雞飯
雞肉好嫩，皮薄爽滑，雞肉味道濃郁仲去咗骨，油飯用濃雞湯浸過同埋香料烹煮，啖啖飯粒都香氣十足。另外配備三色醬，用上新加坡出品嘅黑醬油、自家製薑蓉同辣椒醬。
雞肉沙嗲
沙嗲串燒係好多香港人喜歡嘅美食之一。這個係用雞髀肉做超級Juicy，肉質又嫩滑，點一點秘製沙嗲醬，好食到唔停口呢。與一般嘅沙嗲醬唔同，加入左花生、椰奶、椰絲等等嘅材料，口感提升咗，煮得香濃，一吃就愛上。
特色咸蛋雞翼
覺得用咸蛋黃煮嘅菜式味道濃郁，有一種獨特嘅香味。這款雞翼沾滿起沙嘅蛋黃碎，入口甘香惹味，外皮炸得金黃鬆脆，鹹香脆口極邪惡！
雙球椰子雪糕
享用新加坡菜，食到最後就喜歡既甜品係椰子雪糕，濃郁椰香味 雪糕裏面啖啖都有新鮮椰子粒 質地幼滑，口裡充滿絲絲甜蜜的感覺！
雪糕紅豆冰
雪糕係餐廳自家製 散發雲呢拿香氣 奶味濃厚 紅豆軟綿香甜 冰涼解膩
檸檬薏米水
清香嘅檸檬與薏米很配，雖然沒有甜味， 但口感清新，潤喉解喝。
凍檸檬茶
茶底清徹，檸檬鮮香，冰冰涼涼，爽！
