大苑子 (圍方)

营业中

休息中

今日喺圍方睇戲行街，見到大苑子做緊優惠，任何兩杯Top 10精選飲品有八折，同朋友要咗一人一杯😍我哋要坐一杯繽紛水果茶，由五種新鮮水果配搭而成，店員介紹完全冇用任何茶底，用上台灣百香果汁、台灣柑桔汁混合而成，水果味豐富，酸酸甜甜，飲起上嚟仲有粒粒蘆薈、百香果籽，10分有咬口。另一杯，我哋叫咗黃金珍珠鮮奶紅茶，用上錫蘭紅茶做茶底，茶味香濃，亦都可以揀青茶，用上新鮮鮮奶，唔會用奶粉溝出嚟。珍珠係黃金色嘅，口感煙煙韌韌。見到仲有秋冬系列、水果咖啡系列都好吸引，下次可以再嚟買返杯。