影片
更多
2019-11-22
38 浏览
舊年台灣真係出左好多拌麵品牌，我地去旅行嘅時候都有留意到，仲有唔少品牌有名人加持，喺屋企就食得到拌麵，算係幾方便，但在於我地呢啲懶人而言，有得出街食都係出街食啦其中有一個對於成日飛台北嘅香港人而言，都唔會陌生嘅品牌叫老媽拌麵，第一間店位於將軍澳，我呢啲新界人好少去到咁遠，好在第二分店位於荃灣廣場，非常方便。可以外帶台式飲品。鋪面幾大，座位頗多，全店以木色為主，大部份係2-4人枱，人少會比較容易等位。同埋佢地平日都好多人，基本上9成滿座。事前我已經睇過餐牌同大部份人嘅評價，所以已經好有心理準備知道想食啲咩，即刻落單。下午茶同晚市都有啲抵食套餐。呢度主打唔同口味嘅拌麵，亦都有一般台式湯麵。排麵有和牛炸醬、花雕雞、地獄麻辣牛肉、蔥油嫩雞、成都擔擔麵同蕃茄雞蛋拌麵；湯麵有三寶、半筋半肉、紅燒牛肉、清燉牛肉同美人雞湯。另外有啲小菜、小食咁。飲品都係啲台式野，珍奶、黑糖、茶等等。川味紅燒牛肉麵最穩陣，女仔應該夠飽，更何況我地仲叫左小食。即叫即煮，都等左一陣，湯麵熱辣辣，裡頭有牛肉、紅白蘿蔔同菜，可以自選刀削麵或幼麵，我地揀左幼麵，賣相都幾吸引！湯頭用有花椒、八角等呢啲香料製作，飲落都幾入味，唔會太
其中有一個對於成日飛台北嘅香港人而言，都唔會陌生嘅品牌叫老媽拌麵，第一間店位於將軍澳，我呢啲新界人好少去到咁遠，好在第二分店位於荃灣廣場，非常方便。
可以外帶台式飲品。
鋪面幾大，座位頗多，全店以木色為主，大部份係2-4人枱，人少會比較容易等位。同埋佢地平日都好多人，基本上9成滿座。
事前我已經睇過餐牌同大部份人嘅評價，所以已經好有心理準備知道想食啲咩，即刻落單。
下午茶同晚市都有啲抵食套餐。
呢度主打唔同口味嘅拌麵，亦都有一般台式湯麵。排麵有和牛炸醬、花雕雞、地獄麻辣牛肉、蔥油嫩雞、成都擔擔麵同蕃茄雞蛋拌麵；湯麵有三寶、半筋半肉、紅燒牛肉、清燉牛肉同美人雞湯。
另外有啲小菜、小食咁。
飲品都係啲台式野，珍奶、黑糖、茶等等。
川味紅燒牛肉麵最穩陣，女仔應該夠飽，更何況我地仲叫左小食。即叫即煮，都等左一陣，湯麵熱辣辣，裡頭有牛肉、紅白蘿蔔同菜，可以自選刀削麵或幼麵，我地揀左幼麵，賣相都幾吸引！
湯頭用有花椒、八角等呢啲香料製作，飲落都幾入味，唔會太鹹，仲幾有牛肉香氣，加埋蘿蔔甜味，唔錯我地覺得辣度啱啱好，唔會太嗆，但又幾開胃果種。
牛肉值得讚，入口勁腍，肉味濃，唔會太瘦或者太肥，一碗三件，合理
幼麵就冇刀削麵咁特別，份量感覺上多啲，煮得偏腍身。
地獄麻辣牛拌麵適合啲更加食得麻嘅人，麵底滿滿醬汁兩款辣椒碎，我配左幼麵，食之前攪拌，非常入味，因為乾拌麵更加索汁。牛肉份量頗多，肉片有啲煮得腍，有啲就韌左少少。
仲有半隻溏心蛋。
滷牛筋非常腍，滿滿骨膠原感覺，如果覺得小食價錢高左啲，都可以試下三寶，除左牛筋，仲有牛肉同牛肚
花枝丸炸得乾爽，入口彈牙。
連飲品都做得唔錯，黑糖珍奶唔係太甜果種，珍珠有嚼勁，奶濃郁，而且有助解辣。
张贴
