華鳥居 (已結業)

青衣城都不少餐廳，知道這裡有間食華味鳥的日本餐餐就來試，原來剛好有個$628的2人餐有水炊鍋仲有勁多食物，價錢不貴就決定2人來吃一個餐，但其實我覺得3人食也可，因份量真心比較多。 日式溫泉蛋銀魚仔野菜沙律，醬汁帶微酸開胃，溫泉蛋煮得剛好半帶流心好香濃蛋香，菜都幾新鮮份量仲要幾大，最後都食唔晒。刺身三點盛，沒想到三文魚，油甘魚，劍魚會咁厚切，而且仲要十分新鮮，啖啖刺身。 鐵板牛油煎帶子蒜香十足，帶子都彈牙。炭火華味鳥入面有雞肉，雞冠和雞心勁特別，出面街比較少吃，味道不會太重食到雞的原味，配菜洋蔥都好香十分好味。 水炊鍋付華味鳥半隻配菜盤，水炊鍋來到已嗅到好香，湯底原汁原味，當雞湯飲不錯，而且雞肉好嫩滑份量都不少，。菜盤都有3款菜加菇類十分大份，幾新鮮。 串燒盛合內有大蔥雞肉串，雞肝串，雞胸軟骨串，每款都各有2串，燒得不錯，配上檸檬帶微酸開胃點。這個餐沒有飯麵，我哋叫咗加$28的拉麵2份，麵質幼身幾滑，配雞湯都不錯，但沒想到份量會咁多，最後我們2人要帶走一個拉麵先得。