京都一の傳 (已結業)

京都一の傳係來自日本京都的日本料理餐廳，主打食西京燒，用上兩日兩夜醃製魚塊🐟海港城店暫時都係香港唯一一間分店，呢間用coupon食lunch就真係幾抵食，差唔多半價咁滯，難怪食飯時間都滿座要等位，建議想食既可以係Openrice book左位先！Lunch set除左主食，仲附有前菜、沙律、漬物，味噌湯、甜品，賣相精緻，好豐富😍🔸熊本A4和牛丼贅沢御膳$298油脂感爆棚既和牛舖面，加上無法抗拒既蛋黃，增加順滑的口感，佢旁邊仲有啲紅蔥油、飯素，撈飯食都好開胃。御膳仲可以食到餐廳名物，西京燒，銀鱈魚好入味，燒得好香，唔算好肥美，肉質帶有少少結實，不過都幾好食！另外仲有松葉蟹肉沙律、玉子燒、三文魚八爪魚刺身、朱古力大福，咩都有啲咁，超級滿足🥰🔸吉列熊本A4和牛定食$368 吉列和牛都炸得鬆脆，中間和牛軟腍，絕對有外脆肉軟的感覺！個餐仲有三文魚籽蒸蛋、豆腐、漬物。甜品係迷你卷蛋，有啲似Donki買到個啲😗兩個餐比起上黎就覺得和牛丼豐富啲喇😛今次就減左$300性價比都ok! 拿，原價食就貴左啲喇🤪📍#京都一の傳 (#尖沙咀美食)尖沙咀廣東道5號海港城海洋中心4樓402號舖