心夜來潮 (已易手) 新餐厅

荃灣不嬲都好多正野食，今日又俾我發現多一間正野黎左荃灣開分店，梗係要去食啦餐廳位於橫街的盡頭，呢條橫街整條都係食肆，熱鬧非常，唔洗擔心係D好靜o既橫街喔心夜來潮係全條街門面最光鮮的一間，俾到人乾乾淨淨的感覺，門口放左告示提醒食客旺角店已經搬左，記得唔好去錯，另外，原來旺角店係通宵營業架，岩晒夜鬼一族餐廳裝修令人坐得舒服，仲有個茶道位，唔知會唔會有人表演沖茶既呢~砂鍋粥 - 中膏蟹 ($180)、豬潤($30)、鮮雞件($40)、蠔仔($60)黎之前已經做定功課，知道砂鍋粥係黎呢間餐廳必點，砂鍋粥有分小同大，小最少要點$180配料而大的就最少要點$330，材料選擇超級豐富，真係令我地花多眼亂我份人咁貪心，梗係要揀晒我最鐘意o既食材落鍋粥度啦，雖然揀左小鍋，但都已經好大鍋了，膏蟹有分大、中、小，我地揀左中，有好多橙黃色o既膏已經滾晒出黎連粥一齊食，蠔仔如果大隻少少會好d，雞件食得出真係新鮮雞，肉質較冰鮮的有彈性，粥底加左咁多新鮮材料之後十分鮮甜，果然係必點之作蔥同莞茜係另上的，我好鐘意呢個安排，因為我食野係要走青的，但老公就鐘意加蔥，咁就可以悉隨尊便啦手打牛肉丸 ($46)一碗牛丸有8粒，