雪媽糖水鋪

我平時同老婆來深水埗晚飯或小菜王食飯，食完飯都會過來食糖水的，我老婆通常會叫一個心太軟，我自己通常是食椰皇或者窩夫的，但今日有啲凍，所以今日食咗熱的糖水，木瓜雪耳桃膠，都好食的，老婆都是有幾啖，這間舖這幾年來都keep到，次次食完飯過來都幾多客人，不過心太軟和椰皇太夜去成日會賣晒，如果想食到兩樣的話八點前來比較穩陣。
在深水埗性價比高的食品已很少了，這間糖水舖性價比高，老闆十分友善，我見其他客人都有求必應，希望繼續keep落去。