蛋仔記雞蛋仔

旺角不嬲都好多好食嘅小食，突然間好口痕想食雞蛋仔，之前上網見到呢間都好多人打卡，今次就嚟試吓，果然都係冇失望☺️佢個門面設計都好特別，好有香港街頭文化嘅特色，等嘅過程都可以打吓卡！

我叫咗兩份雞蛋仔，包括法式檸檬芝士同埋伯爵茶朱古力，再加一杯檸檬利寶納梳打，伯爵茶朱古力好香濃嘅茶味又唔會太甜，法式檸檬芝士就酸酸甜甜，好Fresh！

臨走前見到佢哋仲出咗全新口味章魚燒雞蛋仔同埋開心果醬格仔餅！下次要試吓先！