熊小館

营业中

休息中

一個九龍灣探啤啤熊嘅下午時間。『芝士忌廉海鮮焗飯』+6蚊有餐湯和餐包，再加9蚊就有即日甜品，咁到底有乜海鮮，即刻話你知，有青口，有蝦，有帶子，有魚，仲有蟹柳，青、紅椒，而芝士有些少拉絲效果，而且雖然係下午茶，但有午餐的份量，餐湯係紅湯，都幾好飲，即日甜品係蒸蛋，味道也唔錯。『吞拿魚法包』係朋友揀，朋友鍾意食包，佢覺得D法包香香脆脆，再加埋吞拿魚一齊食，口感勁好。『烤棉花糖吐司』係從來未試過的甜品，吐司嘅香脆同烤到表皮微脆，内裡軟腍腍嘅棉花糖一齊原來咁夾，大家都食得好開心，本來棉花糖偏甜，連埋吐司一齊就中和咗，所以非常好。