影片
更多
2012-01-07
133 浏览
今日適逢冬至 , 下午不用返工 , 便和同事來呢度食下靚點心 , 係門口取飛後 , 問服務員要等幾多張枱 , 佢都唔睬你 , 發覺呢間點心雖好食 , 但因常要等太耐位同埋呢度員工服務態度麻麻 , 幾間店都係 , 唔知點解 ! 所以我只幫襯過三次不過它的點心制作係有水準的 , 個別一些點心甚至有五星級水準既 ~今天我們試了以下點心 : 古法糯米雞 ( $ 22 ) - 都幾大隻 , 糯米夠煙靱 , 但裡面既料我唔鍾意 , 好大片瘦肉 , 有兩小條的臘腸和潤腸 , 一細舊雞和一隻雞翼尖 , d 料好似求其左 d 黃沙豬潤腸 ( $ 16 ) - 豬潤薄片幾香 , 腸粉皮夠薄 , 不要放太多豉油 , 免致搶味 煎臘味蘿蔔糕 ( $ 12 ) - 喜歡食蘿蔔糕既我去親酒樓必嗌 , 呢度既蘿蔔糕雖然薄左 d , 但夠軟稔而且臘味香 , 抵食 香滑奶皇飽 ( $ 12 ) - size 不大不細 , 奶皇唔算香 , 我都係鍾意食流沙飽多 d 酥皮焗叉燒包 ( $ 15 ) - 呢個點心係呢度既鎮店之寶 , 皮脆之外 , 我最喜歡它裡面的叉燒唔肥 ,
發覺呢間點心雖好食 , 但因常要等太耐位同埋呢度員工服務態度麻麻 , 幾間店都係 , 唔知點解 ! 所以我只幫襯過三次
不過它的點心制作係有水準的 , 個別一些點心甚至有五星級水準既 ~
今天我們試了以下點心 :
古法糯米雞 ( $ 22 ) - 都幾大隻 , 糯米夠煙靱 , 但裡面既料我唔鍾意 , 好大片瘦肉 , 有兩小條的臘腸和潤腸 ,
一細舊雞和一隻雞翼尖 , d 料好似求其左 d
黃沙豬潤腸 ( $ 16 ) - 豬潤薄片幾香 , 腸粉皮夠薄 , 不要放太多豉油 , 免致搶味
煎臘味蘿蔔糕 ( $ 12 ) - 喜歡食蘿蔔糕既我去親酒樓必嗌 , 呢度既蘿蔔糕雖然薄左 d , 但夠軟稔而且臘味香 , 抵食
香滑奶皇飽 ( $ 12 ) - size 不大不細 , 奶皇唔算香 , 我都係鍾意食流沙飽多 d
酥皮焗叉燒包 ( $ 15 ) - 呢個點心係呢度既鎮店之寶 , 皮脆之外 , 我最喜歡它裡面的叉燒唔肥 , d 醬汁味道亦很好,
食完一個仲想再食第二個
呢度唔會有其他酒樓開一壺壺茶 , 大家都是飲公茶 , $ 2 / 位 , 你亦唔會坐得耐 , 因為有機會搭枱 , d 位又迫 , 同旁邊位好近 ,
傾計都好嘈 , 不過遇啱機會我都會再來既 , 始終 d 點心好食 , 而且冇加一 , 價錢亦抵喇 ~
张贴
