佢係lunch set 唔多, 得5 個choices:
未黎之前想叫佢既瑞士雞翼餐, 但改左冇餐, 散叫要$11x….所以都係叫其他餐….想叫中餐 - 黑松露炒面, 但見到隔離叫左個炒面, 又真係只得黑松露同炒面, 重有洋蔥…所以放棄左, 叫個好HEA 既陽光焗豬飯set …上餐好快, 10分鐘有得食!
陽光焗豬扒飯Set: 包餐包, 餐湯, 陽光焗豬扒飯同埋餐飲 ($98 +10%service charge)
餐湯- 綠色既湯, 有碎粒餐肉….由於唔知係咩既料, 所以味道只有鹹味…
陽光焗豬飯 – 上面一隻半生熟既蛋, 個醬係蕃茄醬, 料有豬扒同菠蘿, 蕃茄醬口味比較鹹....而且豬扒口感軟.. 認真講, 同快餐店質數冇分別….
餐飲 - 咖啡...重咖啡味, 但比較甜, 如果可以自己加糖就最好啦
