影片
更多
2017-07-18
493 浏览
我對拉麵的喜愛程度實在好高好高，基本上我知道香港邊度開左新拉麵店我都會想去試下，拉麵來開左的時間唔算短，一直都好想拜訪一下，今日終於抽到時間來了來自日本的拉麵來，總廚小林師傅係東京得獎的拉麵會係大坑店限量供應，想試的朋友記得去大坑店啦，而我今日黎左旺角店就同呢碗拉麵無緣了餐廳附近有醫院，所有出示醫管局職員証的朋友星期一至五午市都有9折優惠喔，一直都覺得前線醫護人員好偉大，呢個優惠都算係同佢地打打氣啦餐廳裝修充滿懷舊風，收銀處擺放左一些好懷舊的玩具，係度用餐別有一番風味同一般拉麵店一樣，每個人都自己動動手寫上自己想點的拉麵，拉麵來用上金、木、水、火、土來代表不用湯底的拉麵，想知邊款打邊款？有圖文並茂的MENU俾你慢慢睇先自己倒一杯有檸檬味的凍水，拉麵未黎之前我一心諗住要加兩粒蒜頭，後來發現完全唔洗再加任何野，一陣你睇到拉麵的湯底就會明白點解了啤酒 ($42)呢排愈來愈多地方有得飲呢個牌子的啤酒，佢有幾款不同口味，全部都好易入口，今次呢個口味有CORIANDER、豆蔻同橙皮的香自家製餃子 ($38)食拉麵點少得餃子，餃子皮夠薄，但如果外皮煎得再脆少少會比較好粟米 ($12)、木耳 ($7)
來自日本的拉麵來，總廚小林師傅係東京得獎的拉麵會係大坑店限量供應，想試的朋友記得去大坑店啦，而我今日黎左旺角店就同呢碗拉麵無緣了
餐廳附近有醫院，所有出示醫管局職員証的朋友星期一至五午市都有9折優惠喔，一直都覺得前線醫護人員好偉大，呢個優惠都算係同佢地打打氣啦
餐廳裝修充滿懷舊風，收銀處擺放左一些好懷舊的玩具，係度用餐別有一番風味
同一般拉麵店一樣，每個人都自己動動手寫上自己想點的拉麵，拉麵來用上金、木、水、火、土來代表不用湯底的拉麵，想知邊款打邊款？有圖文並茂的MENU俾你慢慢睇
先自己倒一杯有檸檬味的凍水，拉麵未黎之前我一心諗住要加兩粒蒜頭，後來發現完全唔洗再加任何野，一陣你睇到拉麵的湯底就會明白點解了
啤酒 ($42)呢排愈來愈多地方有得飲呢個牌子的啤酒，佢有幾款不同口味，全部都好易入口，今次呢個口味有CORIANDER、豆蔻同橙皮的香
自家製餃子 ($38)食拉麵點少得餃子，餃子皮夠薄，但如果外皮煎得再脆少少會比較好
粟米 ($12)、木耳 ($7)拉麵追加的配料會另上的，呢個做法不錯，咁就可以叫一份配料但兩碗分
木: 白松露野菌豚肉湯拉麵 ($110)頭先講到呢度的拉麵係唔需要再自己加調味料，因為本身個湯底已經好濃，事實上湯底濃度方面我只係揀左普通，如果重口味人士可以選擇濃湯，如果唔係我覺得普通已經好足夠
份量不少的白松露醬放係面，我選擇將全部拌勻到湯底，令整個麵都散發住白松露的香氣
豚肉的肥瘦適中，有三大塊，已經比好多拉麵店慷慨，另外仲加左味付玉子 ($17)，玉子煙燻味幾濃，一口咬開，蛋黃緩緩流出，期待的一個畫面
土: 海老拉麵 ($104)海老拉麵的湯底比豚骨湯更濃，感覺用左好多好多的蝦殼煮成，湯的質感濃得有點像茄膏，湯可以完完全全掛係拉麵上，呢個拉麵附上的是三大隻大蝦，蝦已經去殼，新鮮彈牙
食過咁多間拉麵，拉麵來的湯底實在令我眼前一亮，飲得出用左好多材料淆成，先可以咁濃咁香，如果你好討厭一口味精的湯底，這裡的你應該會同我一樣喜歡
张贴
