聰嫂私房甜品

天氣咁熱，當然要食冰嚟消消暑！
我就喜歡去聰嫂私房甜品，每次我都必點佢哋嘅龍眼椰果冰！

清甜又棉密嘅龍眼冰，龍眼味濃又唔係死甜，上面有椰果粒及水晶珠增加口感，仲有2粒冰凍嘅龍眼肉，大熱天時食真係好爽！

榴槤水晶珠
一上枱就充斥住榴槤香味，用榴槤肉打成棉密嘅冰，上面仲有榴槤蓉及水晶珠，真係每一啖都係榴槤！

小朋友最喜歡就係芒果布甸，配上淡奶
濃郁嘅芒果香味，柔滑無渣嘅布甸，仲有芒果肉令口感更好，加入淡奶食落更滑溜！