泰潮 (已結業)

打唔成波，同老友先去西九龍買點東西，再轉到福榮街的泰潮吃個海南雞飯。看著餐牌，有個二人餐，可在海南雞、泰式豬脾、泰式咖喱之中選其一，小食揀兩款，以及一款菜，跟餐有湯和油飯奉送。先飲一啖湯，喝得出的味精，算了罷；油飯呢，色水是吸引，事實上是欠缺油香的。海南雞可加錢轉要脾位，也就轉了。雞是全去骨的，啖啖肉，正合小弟心意，雞肉和皮均算幼滑，雞味卻不如大家說的濃郁。如果要揀的話，我認為泰妃雞的出品會高一班。兩款小食分別要了泰式酸辣鳳爪及炸軟心芝士蝦球，前者爽脆，酸辣俱備，做得對勁；炸軟心芝士球只有兩粒，但頗大粒的，咬落是熱辣辣，質感還算可以，只嫌芝士稍稍不夠濃郁。馬拉盞炒什菜幾惹味的，木耳和粟米仔爽脆，又有點磨菇、紅蘿蔔咁，幾好送飯。套餐還有兩杯飲品，朋友說泰式奶茶唔多掂，好彩我都係穩陣飲番可樂。