作為美心集團嘅一員，之前都食過幾次。比我嘅感覺一直都係，嘢食係做得唔錯，但係食得好匆忙。
2
今次再嚟食嘢都係一樣，要分時段食，5:30入座係要七點離座，職員係會準時叫人離座。
片皮鴨係做得好好，皮脆肉嫩，餅皮熱辣辣之餘，佢係逐塊分開嘅。不過佢嘅份量的確幾少，呢度係半隻。
小籠包嘅皮，略為有啲厚，但厚唔代表實淨，都幾容易整爛…
黃金翠玉瓜算係整得幾好食，亦都有創意，可以一試。
呢個叫做桂花糕東伴鴨件。加上桂花糕嘅鴨件其實係幾有創意，但個人認為用薯片加沙律醬係有啲奇怪。
呢個金腿鮮菌炒飯算係有啲驚喜，有鑊氣，味道調味亦都足夠。
8
整體嚟講，喺味道上，其實佢仲係食得過嘅，而且亦都唔算貴。不過我覺得實在食得太匆忙，唔啱想慢慢坐嘅人。
