無邊 (已結業)

係面對疫情來襲，仍然不斷開新分店，今日終於嚟到哩間出名嘅黃cafe - No Boundary🍴原本係打算去銅鑼灣嘅新分店，點知誤打誤撞都係嚟到舊舖🙈晚市都幾full，枱與枱之間比較近，坐得迫啲，不過環境氣氛算唔錯，鍾意佢嘅黑色雲石枱設計👍🏻晚市抵食啲可以叫個二人餐，連餐湯，再以套餐價加配兩杯特色飲品🥂是日餐湯係粟米濃湯，新鮮清甜嘅粟米湯，食到滿滿嘅粟米渣，真正原汁原味😋《至尊無邊全日早餐》有煙三文魚、炒滑蛋、焗啡菇同牛角包🥐等，擺盤精美，配搭色彩鮮艷👍🏻可惜牛角包已經凍到有啲硬，唔夠鬆化，仲差過平時喺麵包舖買到嘅😟而煙三文魚有啲碎濕濕🙈其餘就正常無特別😪小失望...《煙鴨胸香蒜炒意大利粉》相對較實惠，鴨胸份量足，炒意粉亦唔油膩，剛好炒到收汁，聞到好香香蒜味👍🏻另外兩杯飲品亦不過不失，濃厚嘅朱古力底，覆蓋係白雪雪嘅cream下，幸好唔係好甜，打卡度亦高👍🏻最近佢地係北角亦開左分店，睇過分店menu都多左唔少新菜式，未試過無邊嘅朋友就可以去新店啦！😎