小曼谷海鮮燒烤屋

营业中

休息中

九龍城有好多間泰國餐廳，其中以小曼谷呢一間最為出名，我要同公司放工就過黎呢一間食野，店外已經有一大班人係度等位，好在之前有訂位如果唔係應該要等好耐。首先我地叫左個雞全翼牛肉同埋牛舌嘅串燒，其中牛舌係最有驚喜嘅因為佢夠香夠淋，好易入口。另外燒脆皮白鱔係有驚喜，燒得剛剛好，外皮香脆，鱔肉肉質鮮甜。泰式豬頸肉沙律，豬頸肉份量超多，而且勁有泰式風味。同樣咁有風味嘅係豬肉碎生菜包，酸辣鳳爪，同埋豬手煲，食完都已經好飽，但係無端端見到人地個蒜蓉包整得勁靚，所以都忍唔住叫埋一份，發覺佢個包係外脆內軟，唔係法包個種硬身，食完係大滿足，因為連個包都咁高質。呢間店係九龍城最旺真係當之無愧，因為食物質素及其處理手法真係有保證。