Uptop Bistro and Bar (已結業)

雖然終日人心惶惶，但係淨係收埋係屋企都唔係辦法。喺注意安全同清潔嘅情況底下，可以約朋友食個下午茶，好有一種愛在瘟疫蔓延時嘅感覺！難得出街，當然要揀一個值得去食下午茶嘅地方好好享受啦！淨係睇賣相，係咪都覺得值回票價呢！呢個係Uptop名為快閃旅行嘅下午茶行李箱，今次兔子揀嘅係”歐遊五國” — 食物有歐洲五國嘅唔同特色， 好似有德國代表薯仔餅，法國代表馬卡龍，西班牙代表Parma ham同炸油條，葡萄牙代表炸飯團波波，英國代表炸魚柳等等。呢個下午茶除咗色彩豐富之外，鹹甜點嘅比例亦都做得好好，多數下午茶都會偏向甜點較多，但係今次嘅茶點組合，鹹點嘅份量好足夠，比較啱兔仔嘅口味，唔會食完覺得太甜。鹹點仲要係熱辣辣，好有heart!最後不得不提Uptop喺酒店嘅頂樓，所以景觀非常開陽，全玻璃設計，乾淨俐落，而且今日仲因為係疫症嘅關係，只係得兔仔同朋友兩個，感覺好安全添！環境優美，食品質素水準以上，最後飲埋杯咖啡，我哋都差唔多坐到六點先走，好滿足！最後兔子仲發現依家原來經OpenRice訂座有八五折，同埋有四人同行一人免費嘅優惠！大家出街嘅話不妨加入你哋嘅選擇啦！