BTS美食站

营业中

休息中

九龍城最出名泰國菜，呢間BTS美食站最近地鐵站出口，食飯時間都人流不絕。天氣咁熱當然要叫個椰青解下暑，椰青大個得來好多汁，椰青水清甜解渴，仲可以食埋裏面啲椰肉添鐵板豬頸肉炒通菜（馬拉盞）上碟好香出晒煙，通菜份量都幾多，加咗馬拉盞，蝦米，香蒜🧄，辣椒🌶等等配料好香好惹味，熱辣辣好有鑊氣，裏面都有好多塊豬頸肉，大大塊厚肉又唔會好肥膩，撈飯食一流。泰式鮮蝦炒粉絲味道好似泰式炒金邊粉，份量都幾多，配料豐富，有鮮蝦，韭菜，芽菜得等，配埋香脆花生碎好夾，賣相都吸引。泰脆炸豬手（細）豬手外皮炸到脆卜卜，裏面肉質結實，脂肪層比較少，配上甜酸汁同香脆炸蝦片好夾，不過味道稍為鹹咗啲，炸嘅火候亦都有啲過火，炸得比較乾同硬。整體食物質素都唔錯，有傳統泰國風味；職員服務態度都細心，怕我哋比鐵板燙傷會特登擺遠少少。