影片
更多
2017-11-26
1175 浏览
曾經食過樂天皇朝旺角分店，食物水準中上，本身尤好上海菜，最近又適逢蟹季，當然要再訪。秋天正正係食蟹最好嘅季節，蟹膏蟹粉全部肥美，餐廳當然唔少得以此入饌。樂天皇朝推出左大閘蟹套餐，其中蟹粉小籠包同蟹粉炒飯什為吸引，我地都點左一客蟹粉炒飯。上次食過八色小籠包($98)，兩人分享，今次兩個人再黎，又可以點多一籠，試埋無食過嘅口味。跟照餐廳建議嘅順序，由淡到濃味輪流品嚐，今次總於試到人參、黑松露、蟹粉等口味。個人覺得最為特別同好食嘅係麻辣口味，意想不到會將四川麻辣帶入小籠包之中，惹味又特別。人參亦都係獨創味道，淡淡人參味混和係小籠包湯汁之中，從來無食過相類似嘅食物。黑松露味香濃，同包點餃子特別配合。蟹粉香甜，用料多，內裡包住數量不少嘅蟹粉。天氣有點乾燥，想點一個湯品，叫左鮮蝦雲吞豬骨湯($/六隻)。本來不存太大期望，純粹因為喜歡餃子、雲吞而嗌，但簡單如一碗鮮蝦雲吞，呢度都落足心機，整得十分好食。奶白色湯底同日本拉麵店精心熬製而成嘅豬骨湯有點相似，鮮味十足，卻又清爽。鮮蝦雲呑每一隻都大大粒，包住爽口彈牙嘅原隻鮮蝦肉，同埋一樣大小嘅豬肉餡料。點左一個廚師推介嘅皇朝話梅骨($88)，份量比想像中少，
秋天正正係食蟹最好嘅季節，蟹膏蟹粉全部肥美，餐廳當然唔少得以此入饌。樂天皇朝推出左大閘蟹套餐，其中蟹粉小籠包同蟹粉炒飯什為吸引，我地都點左一客蟹粉炒飯。
上次食過八色小籠包($98)，兩人分享，今次兩個人再黎，又可以點多一籠，試埋無食過嘅口味。跟照餐廳建議嘅順序，由淡到濃味輪流品嚐，今次總於試到人參、黑松露、蟹粉等口味。個人覺得最為特別同好食嘅係麻辣口味，意想不到會將四川麻辣帶入小籠包之中，惹味又特別。人參亦都係獨創味道，淡淡人參味混和係小籠包湯汁之中，從來無食過相類似嘅食物。黑松露味香濃，同包點餃子特別配合。蟹粉香甜，用料多，內裡包住數量不少嘅蟹粉。
天氣有點乾燥，想點一個湯品，叫左鮮蝦雲吞豬骨湯($/六隻)。本來不存太大期望，純粹因為喜歡餃子、雲吞而嗌，但簡單如一碗鮮蝦雲吞，呢度都落足心機，整得十分好食。奶白色湯底同日本拉麵店精心熬製而成嘅豬骨湯有點相似，鮮味十足，卻又清爽。鮮蝦雲呑每一隻都大大粒，包住爽口彈牙嘅原隻鮮蝦肉，同埋一樣大小嘅豬肉餡料。
點左一個廚師推介嘅皇朝話梅骨($88)，份量比想像中少，但兩個人食就啱啱好。話梅骨非常惹味，食唔停口。酸酸甜甜，送白飯一流。與生炒骨相似，但採用細細粒嘅排骨，炸得外脆內嫩，十分可口。味道就更入味，更濃郁。
蟹粉炒飯($128)，份量不多，可見蟹粉矜貴。面頭嘅蟹粉漿有鮮蟹嘅清甜，淋上炒飯，令炒飯濕左少少，但仍然滋味。下年蟹季，要再試埋佢其他蟹宴食品。
上次食過香港餐廳少見嘅甜品，宮廷驢打滾($38/3粒)。依舊煙韌軟熟，紅豆蓉香甜，亦係值得一再嘗試嘅推介食物。
张贴
