亞蘇爾 (形點) (已結業)

喺形點一期買完衫，搵地方食飯，見到呢間《亞蘇爾》主打澳門菜，決定一試。東望洋芝士鮮茄焗豬扒飯 ($92) - 焗豬扒飯表面焗得帶少許香脆，豬扒味道鮮甜，腍身爽口，配上滋味東望洋芝士，份外滋味。葡國直送沙甸魚芝士脆三文治 ($78) - 醬汁除咗芝士味外，仲加有沙律醬帶出沙甸魚嘅鮮味，配上烤得香脆嘅麵包，好食又唔會膩。一向都好鍾意食葡撻，見呢度有三款唔同口味嘅葡撻，當然要試勻佢。焦糖葡撻 ($14) - 蛋香味中帶有香甜嘅焦糖味，葡撻皮香脆鬆化，好食！鮮橙檸檬葡撻 ($14) - 葡撻中有鮮橙檸檬味，味道香甜清新。濃香咖啡葡撻 ($14) - 咖啡味香濃，甜度適中。經典木糠布甸 ($32) - 賣相十分精緻，香滑嘅布甸同香脆嘅木糠一層一層交替，甜度適中，忍唔住一啖接一啖。凍朱古力咖啡 ($38) - 朱古力味同咖啡味均衡，香滑好飲。Cappuccino ($35) - 口感順滑，表面灑有一層薄薄嘅肉桂粉，倍添滋味。呢度環境舒適，坐得舒服。食物味道有層次，食得出係加入多配料用心炮製嘅，我會再返嚟幫襯。