喜來稀肉 (金巴利道)

营业中

休息中

2020年的一個疫情，令到我地原本要去的旅行都要剎停了，所以今次特意選左呢間韓式燒肉去回味一下。由於政府實施緊限制令，餐廳唔可以坐超過半數人客，枱與枱之間有一定距離，呢度所有措施都有做足，入座前有酒精消毒，又會同客人量度體溫，令到客人可以放心。今次黎到喜來稀肉，主打韓式燒牛，前菜同烤爐上的蛋都可以無限添加，泡菜同生菜我地加左3次。韓式沙律都非常開胃，微辣程度應該大部份人都接受到。今次點左個韓牛拼盤，可以一次過試哂唔同部位。拼盤仲有韓式飯團，夾埋燒肉食真係非常美味。呢個韓牛拼盤雖然貴d, 絕對物有所值。跟住梗係唔少得五花肉，油香豐富，又係必點之選，之後仲有一個係秘制醬油雞，呢個有d 驚喜，推介。