影片
更多
2021-07-27
85 浏览
沒有旅行的日子，第536天，晴人有五種感官，呢段時間雖然無得眼睛去旅行，好彩用味蕾帶我哋去旅行！仲記得當日同A姐去希臘，聽住海浪聲嘆地中海美食，享受小島風情。今日就重拾當日嘅味覺，嚟到尖沙咀嘅Opa Mediterranean Bar and Bistro。海鮮拼盤串燒串燒整串以倒掛式上枱，令擺盤更吸引。由上至下分別係檸檬、呑拿魚、三文魚同大蝦，中間以西椒分隔。食嘅時候可以擠少少檸檬汁，讓海鮮鮮味大大提升。烤過嘅海鮮帶有焦香味，特別鍾意三文魚，魚肉嫩滑，油脂豐富；相反A姐就鍾意相對結實嘅呑拿魚，口感豐富。伴碟嘅醬汁有水牛城辣椒醬汁同燒烤醬，將海鮮加少少醬，連埋夾餅一齊食，就更加惹味。傳統希臘千層茄子配雞肉及煙肉千層茄子絕對係希臘菜嘅代表，面頭鋪滿茄子同芝士，下面就係勁多雞肉同煙肉，份量十足。值得一讚嘅係，雖然雞肉採用雞胸肉，但肉質一啲都唔嚡，加上煙肉嘅油份，亦令雞肉唔會太乾。當然要加埋茄子一齊食，真係好好味。烤雞意大利飯最後我哋仲叫咗個烤雞意大利飯，為咗迎合香港人口味，所以意大利飯唔會煮得太硬，加埋Creamy嘅醬汁，味道真係唔錯。意大利飯上面放有份量唔少嘅烤雞，同樣地採用雞胸肉，但肉
人有五種感官，呢段時間雖然無得眼睛去旅行，好彩用味蕾帶我哋去旅行！仲記得當日同A姐去希臘，聽住海浪聲嘆地中海美食，享受小島風情。今日就重拾當日嘅味覺，嚟到尖沙咀嘅Opa Mediterranean Bar and Bistro。
海鮮拼盤串燒
串燒整串以倒掛式上枱，令擺盤更吸引。由上至下分別係檸檬、呑拿魚、三文魚同大蝦，中間以西椒分隔。食嘅時候可以擠少少檸檬汁，讓海鮮鮮味大大提升。烤過嘅海鮮帶有焦香味，特別鍾意三文魚，魚肉嫩滑，油脂豐富；相反A姐就鍾意相對結實嘅呑拿魚，口感豐富。伴碟嘅醬汁有水牛城辣椒醬汁同燒烤醬，將海鮮加少少醬，連埋夾餅一齊食，就更加惹味。
傳統希臘千層茄子配雞肉及煙肉
千層茄子絕對係希臘菜嘅代表，面頭鋪滿茄子同芝士，下面就係勁多雞肉同煙肉，份量十足。值得一讚嘅係，雖然雞肉採用雞胸肉，但肉質一啲都唔嚡，加上煙肉嘅油份，亦令雞肉唔會太乾。當然要加埋茄子一齊食，真係好好味。
烤雞意大利飯
最後我哋仲叫咗個烤雞意大利飯，為咗迎合香港人口味，所以意大利飯唔會煮得太硬，加埋Creamy嘅醬汁，味道真係唔錯。意大利飯上面放有份量唔少嘅烤雞，同樣地採用雞胸肉，但肉質一啲都唔嚡，抵讚。
张贴
