譚仔三哥米線 (形點 II)

营业中

休息中

同朋友去左形點二期行街，行下買下見攰同肚餓，就入咗呢間譚仔三哥嗰度食嘢。我叫咗一個魚腐冬菇米線麻辣五小辣 ($38)，飲凍華田 ($8)；朋友即叫咗個豬潤米線 ($33)配凍可樂 ($8)，另外加咗個小食麻辣豬耳 ($19)。魚腐冬菇米線有三嚿魚腐，冬菇數量都幾足。魚腐香口嫩滑好食，冬菇亦夠爽口，米線就略為腍咗少少，湯底嘅麻辣味都幾香、不過略嫌鹹咗啲。試咗一片朋友嘅豬潤米線嘅豬潤，豬膶薄切十分嫩滑，味道亦都唔錯。麻辣豬耳，爽口入味，個麻辣汁十分惹味。凍華田，味道適中，唔會太淡。整體來講味道唔錯，算係形點二期入邊一個唔錯嘅選擇。