段純貞X日出茶太 (The Johnston)

营业中

休息中

我係一個豆腐控，對於豆腐花同豆花，很堅持佢哋唔係同一樣嘢！豆腐花會比較固體狀啲，而豆花就相對無咁挺身。午餐時候胃口一般，於是就要咗份台式豆花外賣，個碗有啲深😅打開蓋發現豆花俾紅豆、珍珠、芋圓、薏米、馬蹄爆爆珠覆蓋咗，豆花本身無甜味，所以佢落咗花奶去加返啲味。如果可以將花奶變成白果腐竹糖水，可能會更精彩😆食完一碗台式豆花，都有食咗一碗飯嘅飽肚感，始終佢所有材料都幾實在同真係幾飽肚，午餐想食甜嘅嘢可以不妨選擇。