餃掂手工餃子雲吞專門店

营业中

休息中

上次喺西環店食過黃金皮蛋，我同朋友都念念不忘，今日喺中環又見到餃掂嘅分店，點可以唔入嚟再食一次呢！金黃色皮蛋賣樣本來已經相當吸引，外層Q彈，內裡流心，蛋黃入口味道香濃，加上辣油蔥花，美味程度真係難以形容。酸辣雲耳，細細朵雲耳爽口彈牙，配上洋蔥芫茜同秘製醬汁，又係另一味我喜愛嘅小食。粟米餃餡料飽滿，粟米粒粒爽甜。至尊松茸餃，鮮肉同松茸味道相當合襯，配埋招牌松茸醬，滋味再度提升。點湯餃子都配上一碗狀元九鼎湯，湯頭清甜無味精，仲可以提升免疫力！