珍煮丹 (已結業)

台式飲品店開到成行成市，愈開愈多，間間都係過江龍，都唔知試邊間好。朋友話台灣嘅珍煮丹非常好飲，唔知香港係咪一樣呢。 Menu好彩唔太需要排隊雖然一開始想飲黑糖珍奶，但見有期間限定嘅奧利珍，所以就想一試。朋友就點咗黑糖珍珠厚鮮奶黑糖珍珠厚鮮奶個杯好得意，朋友話算係正常黑糖珍奶水平。厚鮮奶非常creamy, 珍珠都幾彈牙，珍珠外層嘅黑糖味都重嘅，但入面如果黑糖味重d會更好。奧利珍個賣相都好靚，層次分明，由底依次係珍珠、奶茶、奶霜同oreo碎，上面仲插住一塊完整嘅oreo餅。可惜糖同冰又係固定咗冇得揀。整體嚟講都幾好飲，由於個奶霜好厚，飲落好creamy，亦飲到少少oreo碎。杯野比較甜但可接受，非常適合嗜甜人士，珍珠有咬口。