NUTTEA (旺角中心第一座) (已結業)

今日同朋友嚟葵芳廣場行街，當然又係周圍掃街嘅時候啦。食咗少少嘢之後，就嚟到Nuttea買杯嘢飲邊行邊飲，我同朋友都好鍾意飲呢度嘅堅果奶，因為好飲又健康。🍓粉紅莓堅果奶🥛因為頭先食咗少少嘢，怕太heavy，所以冇點到奶蓋，就揀咗呢杯粉紅莓堅果奶。一如既往，滿滿的一杯，柔和嘅粉紅色好靚。飲落去有少少杰身，有士多啤梨嘅甜味，又有啲堅果嘅獨有香味，味道好得意。飲下飲下，唔覺唔覺，其實都飽飽地，所以我覺得Nuttea係好適合行街飲，方便快捷健康又飽肚🥑牛油果堅果奶🥤朋友比我更健康，揀咗呢杯牛油果堅果奶，佢話牛油果嘅飲品平時唔係度度都有，見到就唔放過。而呢一杯嘅質地更加杰身，當然係因為牛油果嘅關係。我試咗一啖，第一次嘗試牛油果嘅飲品，意想不到地同堅果奶都幾夾！