影片
更多
2019-08-22
162 浏览
今日難得被上司指派左黎深水埗做野，咁就緊係唔好錯過機會，試下深水埗既好評茶記啦！ 係OpenRice打"深水埗" 三隻字，搜尋結果一出 最多好評既就係佢- 老鳳冰室，無理由唔試下架？！果然聞名不如見面，玩味十足！一入到餐廳 大大個牌上面寫住一行細字「鬼叫你窮啊！頂硬上！」同我依個做到嘔做到像隻狗既打工仔顯得相映成趣。正如之前其他網友既食評所講，佢哋係用生鐵信箱裝menu架！既然有人post 過，我就唔多此一舉又放上相上黎啦！ 我地都係集中返係食物度啦！我就叫左個叉燒煎蛋通（$29），佢哋有得簡其他野俾你加錢配架！我就簡左個炒蛋多士（加$5）,餐飲跟一杯熱咖啡。 諗真啲都覺得自己豬左,個粉已經有蛋, 仲叫多份炒蛋...不過, 一定要讚下佢地塊多士,唔係薄薄一塊潦幾野牛油俾你果啲,而係有返咁上下厚度(起碼半吋),烤得香脆,仲要好有誠意咁將啲牛油搽得均勻。多士黎講, 真係冇得輸!炒蛋既份量亦都算多,但略為過火左啲,入面熟到有D太實啦><(由於太心急食個多士 冇影相就開動左...) 講返個叉燒煎蛋通先,湯底應該係豬骨湯, 而粉係選用大粒粗身既扭扭通粉。叉燒唔太鞋, OK!份量頗
咁就緊係唔好錯過機會，
試下深水埗既好評茶記啦！
係OpenRice打"深水埗" 三隻字，
搜尋結果一出 最多好評既就係佢- 老鳳冰室，
無理由唔試下架？！
果然聞名不如見面，玩味十足！
一入到餐廳 大大個牌上面寫住一行細字
「鬼叫你窮啊！頂硬上！」
同我依個做到嘔做到像隻狗既打工仔顯得相映成趣。
正如之前其他網友既食評所講，
佢哋係用生鐵信箱裝menu架！
既然有人post 過，我就唔多此一舉又放上相上黎啦！
我地都係集中返係食物度啦！
我就叫左個叉燒煎蛋通（$29），
佢哋有得簡其他野俾你加錢配架！
我就簡左個炒蛋多士（加$5）,餐飲跟一杯熱咖啡。
諗真啲都覺得自己豬左,
個粉已經有蛋, 仲叫多份炒蛋...
不過, 一定要讚下佢地塊多士,
唔係薄薄一塊潦幾野牛油俾你果啲,
而係有返咁上下厚度(起碼半吋),烤得香脆,
仲要好有誠意咁將啲牛油搽得均勻。
多士黎講, 真係冇得輸!
炒蛋既份量亦都算多,但略為過火左啲,
入面熟到有D太實啦><
(由於太心急食個多士 冇影相就開動左...)
講返個叉燒煎蛋通先,
湯底應該係豬骨湯, 而粉係選用大粒粗身既扭扭通粉。
叉燒唔太鞋, OK!
份量頗大, 女仔食其實一兜粉都夠曬飽,
所以我都食剩幾多下...
整體黎講, 依度既早餐算好抵食!
大大份量, 合理價錢, 但就唔好要求有5星級既服務。
待應都係上左年紀既姐姐, 態度真係一般般。
如果好介意服務態度既朋友, 可能未必令你開心滿意啦!
抵食指數：4.5 / 5
趣味指數：4.5 / 5
友好指數： 2 / 5
叉燒煎蛋通
$29
21 浏览
0 赞好
0 留言
张贴
