Grand Central Bar & Grill (已結業)

星期日約左好耐無見的舊同事，來一個簡單的SUNDAY BRUNCH。我地揀左去圓方，舊同事喜歡佢係地鐵站上蓋，即使食完飯帶住小朋友都可以輕鬆行一陣。餐廳有兩層，樓下係酒巴設計比較嘈，我地有小朋友，所以揀左上樓上。樓上三邊落地玻璃樓底好高，陽光透入好舒服。同事的女女很可愛，點菜期間，職員比左兒童餐單和蠟筆我地，佢好快就試筆畫畫，呢幅作品大家覺得點呢？可能我肚餓，即刻就點左Buffalo Wings，上菜見到用黑色石擺盤賣相已經好吸引，小朋友都忍唔住摞左隻雞鎚食，可惜小朋友咬左一啖即係叫辣要飲水，好好笑。不過雞翼真係做得幾好，外層脆小小辣(大人口味) ，食時點上酸忌廉醬，可以encore。同事的女女第二樣見到就要既當然係人見人愛的炸薯條啦，大人細路必食佳品。不過媽媽當然唔比食，熱氣嘛… 唔怕唔怕，呢個餐配小龍蝦三文魚三文治，煙三文魚有DHA，再配搭生菜沙律醬小龍蝦，大大份豐富又健康。再黎個主菜Carbonara意粉，熱上時煙肉加碎芝士香味大增，麵質無煮得過軟，亦無太多意粉醬，無蓋過麵既味道。不過意粉大家都係熱食好，放耐左汁醬變乾，麵條會變硬，食唔哂好可惜。