板上 (中海日升中心) (已結業)

今日收工去左觀塘行街，就在APM不遠處，海旁附近。見到有間好抵食既餐廳，環境又大又舒服，撞正世界盃開鑼，餐廳有波睇，一班人食飯睇波好有風味。食物價錢唔貴，我叫左一個燒三文魚燒雞配珍珠飯，飯粒好有咬口，三文魚煎到香脆咸香，燒雞極是香嫩，外層煎到油香豐富，肉質好滑溜，另有配菜有燒栗米同埋中華沙律，顏色色彩繽紛，賣相好吸引。我加點左一個煎餃子，外層脆卜卜，餡料好豐富，又唔會油膩。另外加$10有紅茶，香甜清新，岩哂夏天飲。