小曼谷海鮮燒烤屋

营业中

休息中

今晚同家人嚟到小曼谷海鮮燒烤屋晚飯。可能因為佳節前夕嘅關係，又或者屯馬開通真的很興奮嘅關係，星期一都坐滿人，好彩一早打咗嚟訂位。燒牛舌（$28）- 我最鍾意食好厚身嗰啲牛舌，厚得嚟又腍，仲一啲騷味都冇。泰式燒盲鰽（$171）- 一上枱已經聞到好香，魚肉好滑同鮮甜。需要有小小偏鹹，但配埋個泰式酸辣汁非常惹味。泰王咖哩法包軟殼蟹（$208）- 賣相好震撼，一個大法包入面有排買倒海般嘅咖啡汁。仲有炸到鬆脆嘅軟殼蟹，味道好夾好味。但個麵包未夠軟熟，切起上嚟都要加點力。雖然咖哩係好餸飯，但係有麵包已經好夠，唔使額外嗌白飯食添。椰青（$38）- 清甜解渴，飲完食埋啲椰肉，正！