林洪記水產

营业中

休息中

見幾多人排隊，門口裝修幾靚，就book枱試下佢，但真係中晒伏！叫左個蒸汽海鮮火鍋，total 8樣海鮮，其實蠔、帶子係可接受，但其他全部都below average，尤其是隻蝦，好似已經死左好多年咁，食落去完全冇彈性，亦都冇任何蝦味，自問要求已經唔高，但真係令人失望。到打邊爐部份，拎開個蒸架，再加雞湯，可以話有種食緊shabushabu既感覺，完全係用緊清水黎烚野食咁，最恐怖係，所有火鍋料既味道係幾乎一樣，無論你係食緊丸類、午餐肉定係芝士腸，都好似食緊麵粉咁，食到一半已經堅持唔到落去。成餐唯一可取之處竟然係蝦多士，食左幾舊平衡一下自己心理。2個鐘任食放題，最尾食左一個鐘已經頂唔順走人，食物質素真心對唔住呢個價錢，假期仲要+$20添，只能說有更多更好既選擇。