影片
更多
2006-02-04
2 浏览
Wakas 係我既蒲點之一，但佢亦都係一個我極級唔建議一個人或者兩口子「單挑」既地方：佢serve 既份量真係食個前菜都飽o個隻(Size + 油膩程度+ 重慶俾人感覺既危險程度等等等等)。通常我會叫客炸洋蔥圈，幾隻甜至辣味+ 唔同肉類既咖哩同Naan (甜品就視乎大家的「好甜」程度喇，因為D 甜品仲甜過糖漿)。洋蔥圈係用紫色o個隻又大又甜既洋蔥整既，佢既好食程度完全同廚房忙唔忙無關：我試齊「廚房忙/唔忙」同「洋蔥圈好食/唔好食」cross 到出o黎o個四大極端；換句話講，即係睇o下你好彩唔好彩。唔好辣既朋友可選擇Masala 類既咖哩，佢有咖哩香但又唔辣。好辣既朋友可選擇Vindaloo 類既咖哩，仲有大中細辣俾你揀。建議試味既朋友由淺至深(甜至辣) 咁分開嗌(即係一隻剛剛上就即刻嗌第二隻(除o左前菜可以同第一、二隻咖哩一齊嗌之外)，因製作需時，等既時間已經足似令你有食完前菜好似開始飽既「虛飽」感覺)，可以試清唔同咖哩既唔同香味同辣味。嗌乜咖哩都好，必嗌菠菜芝士：咪睇佢樣衰衰，但佢係眾「糊類」(包括咖哩) 中最入味同最有特色既。D 芝士既口感會有D 似豆腐乾，芝士味唔重先係正貨，用o
通常我會叫客炸洋蔥圈，幾隻甜至辣味+ 唔同肉類既咖哩同Naan (甜品就視乎大家的「好甜」程度喇，因為D 甜品仲甜過糖漿)。洋蔥圈係用紫色o個隻又大又甜既洋蔥整既，佢既好食程度完全同廚房忙唔忙無關：我試齊「廚房忙/唔忙」同「洋蔥圈好食/唔好食」cross 到出o黎o個四大極端；換句話講，即係睇o下你好彩唔好彩。
唔好辣既朋友可選擇Masala 類既咖哩，佢有咖哩香但又唔辣。好辣既朋友可選擇Vindaloo 類既咖哩，仲有大中細辣俾你揀。建議試味既朋友由淺至深(甜至辣) 咁分開嗌(即係一隻剛剛上就即刻嗌第二隻(除o左前菜可以同第一、二隻咖哩一齊嗌之外)，因製作需時，等既時間已經足似令你有食完前菜好似開始飽既「虛飽」感覺)，可以試清唔同咖哩既唔同香味同辣味。
嗌乜咖哩都好，必嗌菠菜芝士：咪睇佢樣衰衰，但佢係眾「糊類」(包括咖哩) 中最入味同最有特色既。D 芝士既口感會有D 似豆腐乾，芝士味唔重先係正貨，用o黎o係試每隻咖哩中間「清新口腔」至o岩。
選邊隻Naan 就見仁見智，但唔好期望Butter Naan 有好重既「鮮牛油香味」，Garlic Naan 有好重既蒜蓉包香味之類：同菠菜芝士一樣，如果你抱住類似既expectation 食巴勒斯坦式印度菜既話，就不如食港式西餐：地道菜永遠集中火力於咖哩(雖然都..已..經..唔..係..好..地..道......)。
由於重慶咖哩界競爭日趨激烈，最近Wakas 請了個講中文既waiter 加盟，所以大家唔洗怕睇唔明菜單(其實有部份食物圖片提供)、講唔到你想食乜之類既問題。
搵食攻略一：如果門口D 哥哥嚇親大家既話，可以同實Q 哥哥求助，話過佢知你想去Wakas，佢會幫你「召喚」Wakas 哥哥帶路既。
搵食攻略二：Wakas 會事後俾張九折咭俾你，仲即時有九折。但你唔洗次次當係寶咁袋住，因為你每次光顧都係會重複指定動作。
* 如果有怕黑、怕污糟、怕後樓梯、怕踎兜等徵狀既話，千祈唔好踏足重慶半步：俗語有云：「眼不見為乾淨」，越地踎越地道!
张贴