影片
更多
2007-06-16
47 浏览
今日因趕時間, 所以同林小B到最近地鐡站間茶記來個速食。餐肉煎蛋飯- 呢個無理由整到難食囉。神戶牛柳意粉- 嘩! 呢個正到呀, 我唔係熱廚我都知點整, 首先一塊普通到不能再普通O既牛扒勁落鬆肉粉去醃, 之後再落牛肉粉去醃番, 等佢有番D牛肉味, 個汁用燒汁開水煮稀加雞粉水煮滾再打茨, 再加一撮烚過金菰變成所謂神戶汁, 意粉烚熟後用水喉水勁沖放一邊, 用時上碟放肉放汁變成, (所以我碟意粉係凍, 只不過係汁和暖, 可能今日天氣熱, 佢唔想食客熱親條脷, 所以咁整, 用心良苦呀! 真係為我O哋牛頭角街坊著想)凍檸茶少冰- 來到時, 檸檬片大小不一(刀法實在甘拜下風), 少冰變走甜。(其實落單O個個未瞓醒兼有鄉音O既哥仔為我著想咋, 佢唔想我飲咁多甜嘢兼見我熱到成隻狗咁所以寫咗杯多冰檸檬加紅茶俾我, 唔該晒!)熱檸水- 連林小B平時飲檸水唔落糖都頂佢唔順。(其實水吧哥哥見你食餐蛋飯怕你會滯, 所以重手D切番幾片喪厚檸檬俾你咋, 仲唔多謝人之餘, 仲要飲淨大半杯, 都唔領人情)題外話: 唔知落單個哥仔係咪知我有好多零錢, 所以係熱飲唔駛加錢下, 都要加我兩元, 不過我又衰多口同佢講番, 搞到我
餐肉煎蛋飯- 呢個無理由整到難食囉。
神戶牛柳意粉- 嘩! 呢個正到呀, 我唔係熱廚我都知點整, 首先一塊普通到不能再普通O既牛扒勁落鬆肉粉去醃, 之後再落牛肉粉去醃番, 等佢有番D牛肉味, 個汁用燒汁開水煮稀加雞粉水煮滾再打茨, 再加一撮烚過金菰變成所謂神戶汁, 意粉烚熟後用水喉水勁沖放一邊, 用時上碟放肉放汁變成, (所以我碟意粉係凍, 只不過係汁和暖, 可能今日天氣熱, 佢唔想食客熱親條脷, 所以咁整, 用心良苦呀! 真係為我O哋牛頭角街坊著想)
凍檸茶少冰- 來到時, 檸檬片大小不一(刀法實在甘拜下風), 少冰變走甜。(其實落單O個個未瞓醒兼有鄉音O既哥仔為我著想咋, 佢唔想我飲咁多甜嘢兼見我熱到成隻狗咁所以寫咗杯多冰檸檬加紅茶俾我, 唔該晒!)
熱檸水- 連林小B平時飲檸水唔落糖都頂佢唔順。(其實水吧哥哥見你食餐蛋飯怕你會滯, 所以重手D切番幾片喪厚檸檬俾你咋, 仲唔多謝人之餘, 仲要飲淨大半杯, 都唔領人情)
題外話: 唔知落單個哥仔係咪知我有好多零錢, 所以係熱飲唔駛加錢下, 都要加我兩元, 不過我又衰多口同佢講番, 搞到我個零錢包多番兩元, 兩元買咩好?
曚豬蓮成日話我唔好貪方便, 我知喇! 我下次唔會喇, 下次我一定會去番前半條街間祥榮。
张贴