好耐無寫食評，但今次真係忍唔到！唔寫對唔住自己！因為呢間野硬件上太經典！
首先臨出門前search過下見到巳經超多劣評就覺得奇怪，心諗照計我團購個陣應該睇哂食評先會買，無理由咁一面倒都照買，襟下d食評即係清楚哂，原來係新開張，咁就大鍋！好小可會咁嫁啵！睇d相覺得唔會咁差，真係差都衰極有個譜嘛！粗略睇過樓下d人多數就係話走哂樣，實不副圖，上鏡好似做哂優化效果咁！令我唔太大期望心態去！
先講去揾間野的確都需要一番功夫，先係柯士甸"路"唔熟個頭真係行錯都唔定，因為連住另一條叫柯士甸道。。到左路呢行左成條街都唔見有15a...到最後輾轉一輪根據地形揾到15b, c 行返轉頭先揾到a 原來係凹左入去個位，間野隔離係間茶餐廳，第一眼望完全覺得係開左好耐！入到去叫左份堂食，睇之前話無得揀，話無肉丸，而雞扒就h5n9
真係激呢個講法。。但今次就倒轉話得肉丸(雖然無得揀，但至小食到樓下d人可能未食過既料，會覺得幸運) 好叫完坐低等下個陣，隔離台就係上面亂七八槽個張相，無人執，而等候期間幾經辛苦終於捕捉到圖中其中一張小動物肯停飛降落台上一刻係咪要讚一讚先！？到走個陣d野仲原封不動的。。
講返野食，等左5mins就有啦。凍的全部，連杯熱啡都偏向唔凍唔熱了，先試舊芒果班cake..一般無乜特別，但先君子後小人，因為佢巳經係isquare成個餐唯一叫正常既野食。。到試d沙律，醬多到蓋住哂d菜，所以唔想咁肥就咬幾下無沾到醬個d算，奉勸各位話走醬好d啦！之後到個重點！包。。細心睇團購相其實係疏菜包先最多蕃茄，青瓜，肉類就奇怪地牛，雞，丸 各一，二，三塊咁大細超的！
實物如相中所見乾爭爭，唔理大大啖咬落去！哇。。個包好似自己係超市買個隻嘉x包(濱系，有埋醬知隻) 唔知點形容就是一堆麵包碎初成的一舊野，團購網中外脆內嫩的包真係不知所蹤啦！疏菜唔講啦，同沙律一樣feeling, 到肉丸，凍到爆仲有硬班班到爆，咬落無味仲要覺得係咪未煮過，解凍完就擠入去再撈醬就掩人耳目，此刻巳經有種好似"你巳被整蠱"feeling..忍唔住笑左下杯啡又係好無啡味。。偏向泰式個種咸味。。飲一半就飲不下。。包都係食哂d肉丸，食剩一半包。。之後有份拎走諗住拎返去比人食。。但覺得好野就話姐，呢個拎比人食變左整蠱人多d啦，就好快速行過幾條街企定定食左舊芒果cake後再極速鯨吞d丸算。。成個包連啡都唔要了。。
軟件(服務) 有一男一女，有電話入個陣女d英文算犀利，仲有都幾有禮貌，同d野食成反比，心諗點解佢地要係度做？唔係唔知d野食幾咁經典呀？定抑或佢地有份分錢？
總結。。團購卷當做善事讓比有需要人士絕對唔會難過。。因為個路程你只會覺得係食左舊芒果cake, 其他不值一提。。
食完有種買左即場下隊入球主隊，買完唔夠一分鐘就客隊入波感覺。Means倒錢落海。。
