影片
更多
2017-01-25
4801 浏览
味道和愛情對我來說都是一樣，有人會愛上吃酸辣米線，有人喜歡吃日本料理，有些對韓式炸雞與啤酒情有獨鍾，大概味道和愛情，都是主觀而且只有自己能領會當中的奧秘。每個人喜歡的都不一樣，你喜歡吃台式料理，也不是每個餐廳都喜歡，正如你喜歡小巧的女生，最好是能一手抱緊的那種，乖巧得如小棉羊，偏偏你愛上的可能有九種貼合你幻想，但就有一點與別不同，可能因為這一點不同，她可能是你從未遇過的任性狂妄，也可能是你看不通透的思想，偏偏你就特別鍾情這女生，情況就是你特別喜歡吃一間餐廳一樣。上次有人係我呢度分享過佢特別喜歡食某某餐廳，即使佢帶過無數人去食個個都覺得唔毫無特別，再加上衰到唔衰嘅服務態度，真係無人明白到點解佢咁鍾意食呢間餐廳。我呢就成為咗好多人心目中愛上了的台灣小店，有着西環附近嘅街坊，到大埔元朗有牛嘅地方嘅朋友，全部都為我而來。但係我覺得自己係何等簡單，普通。珍珠奶茶來親我度都一定會叫，偏偏你就叫咗個姜奶茶，話唔知幾時開始鍾意飲薑喎！是但啦我點整都係咁出色，薑味喺茶底同埋奶底平均嘅情況下微微散出。三個味道平均，唔會好似牛奶同朱古力一樣爭到你死我活，啱味！就係咁簡單。我嘅蛋餅同樣出色，你話你每次去西門町
每個人喜歡的都不一樣，你喜歡吃台式料理，也不是每個餐廳都喜歡，正如你喜歡小巧的女生，最好是能一手抱緊的那種，乖巧得如小棉羊，偏偏你愛上的可能有九種貼合你幻想，但就有一點與別不同，可能因為這一點不同，她可能是你從未遇過的任性狂妄，也可能是你看不通透的思想，偏偏你就特別鍾情這女生，情況就是你特別喜歡吃一間餐廳一樣。
上次有人係我呢度分享過佢特別喜歡食某某餐廳，即使佢帶過無數人去食個個都覺得唔毫無特別，再加上衰到唔衰嘅服務態度，真係無人明白到點解佢咁鍾意食呢間餐廳。
我呢就成為咗好多人心目中愛上了的台灣小店，有着西環附近嘅街坊，到大埔元朗有牛嘅地方嘅朋友，全部都為我而來。但係我覺得自己係何等簡單，普通。
珍珠奶茶來親我度都一定會叫，偏偏你就叫咗個姜奶茶，話唔知幾時開始鍾意飲薑喎！是但啦我點整都係咁出色，薑味喺茶底同埋奶底平均嘅情況下微微散出。三個味道平均，唔會好似牛奶同朱古力一樣爭到你死我活，啱味！就係咁簡單。
我嘅蛋餅同樣出色，你話你每次去西門町，至少會食兩次許記手肘餅，要加雞蛋芝士同埋煙肉，10年不變，食親都覺得好感動喎。我就冇用到個鏟dook 散薄餅,輕輕煎過，剛好夠脆就加上雞蛋同芝士，之後卷成墨西哥薄餅咁嘅形狀，系爭咁少少煙肉嘅鹹香架啦！不過好彩我有呢個秘製辣醬，能夠將簡單平凡嘅味道提升。對你來講應該係望蛋餅指手肘餅的渴。
唔記得同你講，我會將芝士同雞蛋嘅味道混合，配合流出來的感覺，充滿遐想
你點左個滷肉飯，秘製醬汁煮過嘅滷肉，味道香而且帶點甘，都唔係重點！重點係我堅持要用上一定比例嘅肥肉，千祈唔可以瘦呀，咁樣透過豬肉嘅天然脂肪令到成個飯更加甘香。等你每一啖都食到甘甜豐盈嘅味道。
唔夠後即刻再點個包，我嘅刈包材料簡單個個都學到，就係美味嘅肥五香豬腩滷肉，配上香菜最重要係叉燒包感覺嘅包皮。三樣嘢三種味道配合得天衣無縫，你不停講話好肥好大嚿肥豬肉，但係有一啖啖咬落去。睇到你滿足嘅眼神。
食到呢度你慨嘆，另外一間餐廳你向來都幫襯，偏偏我呢遲左出現，你唔想改變現狀，冇理由要山長水遠嚟到西環，就係為咗同我見面。你覺得好內疚，好對唔住呢一間幫襯左五六年嘅台式料理餐廳，唔夠膽承認自己鍾意左我。再加上路途實在遙遠你想放棄我，投回屋企附近的呢一間台店懷抱。情況就好似，你遇到很愛嘅女人，但係你唔想面對呢個感覺，同時亦都有留戀， 唔相面對改變你選擇投回現在的懷抱。
你心裡有了我，真係能夠繼續同佢走下去嗎？你能欺騙自己，話你最中意食佢嘅滷肉飯？為何你要苦了我又苦了自己？
我知道我哋好快又會再見面。因為鐘情就係鍾情。下次記得食芋圓。
這是阿元的自白。
张贴
