你妳 (運通洋樓) (已結業)

台灣疫情反彈，似乎話你知，彷彿再會台北遙遙無期。 最懷念台北的早餐，一年前多前在善導寺吃過的芋泥吐司，到現在都好想再食。 於是今晚就去咗荃灣呢間人氣店食芋見紫薯吐司，你妳，聽過好耐，跟大角咀的那個一樣人氣鼎沸。 好彩六點幾去唔算多人。 一坐底便點了紫薯吐司，當然冇台灣咁好食，但頂住當先。 花枝丸便當加上乾撈麵套餐，令我想起大稻埕嘅乾撈麵，炸澎湖花枝丸又叫我想起寧夏夜市。 台灣甜不辣係招牌菜，值得一吃，章魚肉味非常濃。 一系列飲品，手作紫芋牛奶，金鑽鳳梨綠茶和古早冬瓜茶都係水準之上。 最尾嘅芋圓甜品，我又想起那些夜市的精采。 最可惜，台北始終離我們很遠，今年仲要有好多精彩嘅演唱會，到底幾時先可以聽到陳綺貞同魏如萱嘅歌聲然後去吃麻辣火鍋，似乎很遠很遠。 你妳 (運通洋樓) 荃灣運通街6號運通洋樓地下K號舖