影片
更多
2020-10-08
66 浏览
相信短期內都去唔到旅行㗎喇，所以想食台灣嘢嘅心情日益濃厚，如果你問我荃灣新開嘅呢間你妳可唔可以解決到鄉愁，我答你，係唔得嘅。老實講，佢哋真係唔係好有台式嘅風味，價錢都唔平。舖頭好細，十零個位咗右，我會recommand外賣好過堂食嘅。去到嗰陣見到好多花牌，應該係開業冇耐，好多嘢都非常之需要改善，不過，一堆年輕人做樓面，看似缺乏經驗，我覺得值得比啲耐性去接受佢哋嘅。先講下主食類，有覺類「台式」嘅飯麵，味道唔差，炸花枝丸鹽酥雞呢啲，炸得嘅，香香脆脆咁好難會唔好食嘅。魯肉飯OK啦，我覺得幾好嘅因為冇乜肥豬肉，但你話好台式，就真係唔講得上。你懂的。索價$78，偏貴。另外加錢叫咗杯台式特飲，個味唔係好台式，呢條街一街都係珍珠奶茶鋪頭，個人唔建議喺呢度食正餐或者飲嘢。我覺得你妳本來就係想主打芋圓甜品同埋佢哋嘅招牌多士，所以如果你打算過來食，唔好浪費自己個胃食其他嘢（因為個多士好大份㗎！）驟眼望落去，好有元朗羅東嘅影子。後來喺餐廳門口見到招聘告示，原來真係羅東D朋友，作為元朗人，羅東一定唔會陌生。佢哋嘅仙草芋圓甜品，出名大碗足料，同埋唔會好甜，怕甜一族都可以嚟試。仙草芋圓系列有嘅個combinati
相信短期內都去唔到旅行㗎喇，所以想食台灣嘢嘅心情日益濃厚，如果你問我荃灣新開嘅呢間你妳可唔可以解決到鄉愁，我答你，係唔得嘅。老實講，佢哋真係唔係好有台式嘅風味，價錢都唔平。舖頭好細，十零個位咗右，我會recommand外賣好過堂食嘅。去到嗰陣見到好多花牌，應該係開業冇耐，好多嘢都非常之需要改善，不過，一堆年輕人做樓面，看似缺乏經驗，我覺得值得比啲耐性去接受佢哋嘅。
先講下主食類，有覺類「台式」嘅飯麵，味道唔差，炸花枝丸鹽酥雞呢啲，炸得嘅，香香脆脆咁好難會唔好食嘅。魯肉飯OK啦，我覺得幾好嘅因為冇乜肥豬肉，但你話好台式，就真係唔講得上。你懂的。索價$78，偏貴。另外加錢叫咗杯台式特飲，個味唔係好台式，呢條街一街都係珍珠奶茶鋪頭，個人唔建議喺呢度食正餐或者飲嘢。
我覺得你妳本來就係想主打芋圓甜品同埋佢哋嘅招牌多士，所以如果你打算過來食，唔好浪費自己個胃食其他嘢（因為個多士好大份㗎！）驟眼望落去，好有元朗羅東嘅影子。後來喺餐廳門口見到招聘告示，原來真係羅東D朋友，作為元朗人，羅東一定唔會陌生。佢哋嘅仙草芋圓甜品，出名大碗足料，同埋唔會好甜，怕甜一族都可以嚟試。仙草芋圓系列有嘅個combination可以揀，我就揀咗珍珠加荔枝爆爆珠，成碗都係，兩個人分都夠食。
另外有粒特別大粒嘅芋圓，咩黎架呢？原來入面包住芋泥呀！！好得意，同埋好飽！（所以真係唔好叫個飯，太飽了～）
羅東名物芋泥肉鬆厚多士，好正，必食，芋泥唔會太甜，只有淡淡嘅芋頭味，亦係十分之飽，一個人食講真會有啲吃力（同埋有啲口乾）一啖多士一啖仙草甜品，就啱啱好喇！！
张贴
