清真牛肉館 (打鼓嶺道)

营业中

休息中

太耐冇去過九龍城，連龍崗道嘅清真牛肉館冇咗都唔知，見佢貼咗張搬遷啟示出嚟，就行咗去打鼓嶺道嗰間舖，其實一直都覺得龍崗道呢間總店嘅牛肉餅好食啲，但冇咗都冇法啦！諗都唔使諗叫咗三個牛肉餅嚟食咗先。熱辣辣嘅牛肉餅咬開仲係爆汁嘅，但係味道同以前總店的確有一定落差。牛肉粉絲湯，湯底有濃郁嘅牛肉味，牛肉好似係腩位，粉絲煙韌，都唔錯！朋友聽到隔離枱話蔥油餅好好食，於是叫咗碟嚟試吓有幾好食，Errr…… 可能唔係我喜歡嘅味道，食咗兩件都食唔落，結果朋友清晒。