約咗個好耐冇見嘅朋友出嚟九龍城打邊爐
之前有朋友介紹牛精皇
今次我哋一於去試吓
湯底方面我哋揀咗個雪耳海底椰豬肺鍋
嚟到嘅時候真係超香
飲落當然係非常香甜啦
最推介就係$88可以選三款海鮮
真係超抵價同好鮮甜
我哋揀咗鮑魚、聖子王同埋蚌
響鈴亦都比較特別
包住紫菜我喺其他火鍋店係未試過的！
而且係即叫即炸的因為嚟到嘅時候仲係熱辣辣的
值得推介
刺身方面亦有驚喜
非常新鮮
後悔沒有order大的
本地手切肥牛超正
新鮮有牛肉味
開始食咗一塊就停唔到口啦
喜歡食蝦嘅你一定要點蟹子鮮蝦滑
非常彈牙好味
仲可以食到一粒粒鮮蝦
打邊爐點會少得白蘿蔔同娃娃菜啊
不過可能係我特別喜歡啦
飲品方面我地點左竹遮茅根水
既可以清熱氣又可以解渴
甜度啱啱好！抵讚！
今晚嘅食物質素同整體嘅用餐經驗係非常正面
下次會帶埋屋企人來
