蟹仙海鮮蒸氣鍋 (仁愛街) (已結業)

想食蒸鍋無意之中在搜尋到小店！食得蒸鍋最重要就係個鮮味！新鮮！新鮮同埋新鮮！在網上見到評價好壞參半所以特意黎試一下！其實當中價錢主要分為$198，$298，$398當中主要分別係蟹，龍蝦及賴尿蝦嘅份量我地二人選擇左$298套餐。開始上既仙貝聖子鮑魚等等，都入口好鮮甜！一d 腥味都無！應該係新小店，服務既哥哥仔，未係好熟手，但其他人都好幫手。重點來啦！ 認真！佢地呢個係主打！你已經見到，生既時候已經膏都飛晒出黎！😊😊呢個可以講係全個餐重點～ 膏係超多！肉扎實！一啜正到呢😝😝最後粥底吸收晒d 鮮甜味好正！😋老實講在網上見其他人講唔飽，又小就真係有d 過份，雖然價錢同外面其他蒸鍋比未必係非常抵，但勝在海鮮新鮮，大大份，而且蟹蝦真係好好味！老闆細心講解蟹品種，學到野！知道咩係頂角膏蟹同奄仔蟹皇！都係你識食蒸海鮮，都係食鮮味，大大啖肉！蒸鍋係真係食鮮甜味，唔係新鮮既海產你會食到雪水或加好多配料去加鹽加醋去蓋過鮮味，sell 得鮮！係要比d 錢先食到，真係西貢或鯉魚門唔止呢d 價！另外有一d 需要改進：•廁所有d 唔太乾淨，可以注意一下。•如果套餐有包埋野飲或汽水就更好，唔包都可考慮坐底時來一杯茶